Ingó

Komum heim frá NYC f. rúmri viku. Ég er búinn að vinna á fullu og er þess á milli búinn að reyna að koma þessum tæpu 1000 myndum sem ég tók á Flickr (hef reynt að sortera þær og sýna bara það besta, þannig að einhver nenni mögulega að skoða þetta). Ég á samt eftir að skipuleggja og endurskipuleggja margt af þessu og eitthvað á ég eftir að opna fyrir.

Tíminn flýgur…

Við erum nú þegar búin að eyða 2 heilum dögum hérna í New York. Dögunum hefur hingað til aðallega verið eytt í safnaferðir, í gær í Museum of Natural History að skoða risaeðlur og indíána og í dag var farið í MoMA, á sýninguna sem var hálft í hvoru ástæðan fyrir því að ég ákvað að kýla á ferðina núna; Pixar: 20 years of animation, afmælissýningu Pixar. Sú sýning var hreint út sagt frábær og ég þverbraut lög og reglur og myndaði allt í bak og fyrir. Eftir að hafa skoðað hana mjög gaumgæfilega var farið í eins nákvæma yfirferð yfir þetta gríðastóra safn og mannlega er mögulegt. Samtals eyddum við sennilega um 5 tímum inni á safninu…

Við borðuðum síðan franskt í kvöld, á geðveikum litlum stað í Greenwich Village, en allt er þetta vel dokumenterað á Flickr svæðinu mínu (ath, þegar þetta er skrifað er ég ekki búinn að uploada myndunum sem ég tók á EOS vélina í MoMA, það bíður þess að ég kaupi almennilegan kortalesara í B&H á morgun)