Ingó

Ein stutt færsla af netkaffi á hróarskeldusvæðinu.

Kom hingað í fyrrakvöld, ansi seint eftir að vélinni seinkaði um rúman klukkutíma. Náðum lest til Hróarskeldu en þurftum að labba úr bænum með allt draslið.

Eyddum svo gærdeginum í Köben á rölti um bæinn góða veðrinu. Sól og blíða.

Tókst að ná mér í heiftarlega eyrnabólgu á föstudagskvöldið áður en ég fór út. Hún var það slæm að hlustin hreinlega sprakk undan þrýstingnum og ákkurat núna er vinstra eyrað eins og það sé búið að troða góðum slatta af bómull inn í það. Stórkostleg tímasetning! Vona að ég geti heyrt eitthvað af þessum hljómsveitum sem ég ætlaði að sjá…

Var að leggja lokahönd á nýtt showreel sem fer á DVD næstu daga og ég ætla svo að koma í hendurnar á sem flestum kvikmyndaframleiðslum í bænum.
Smellið á myndina til að sækja quicktime af showreelinu, c.a. 25 meg. Hægrismell-save as virkar best.

• Sótti ísskáp í Breiðholtið og sófa og myndir í Vesturbæinn. (Hannes, æ ó jú big tæm!)
• Fór í Ikea og verslaði fyrir 8000kall.
• Fór í Ogvodafone og pantaði mér síma og ADSL.
• Fór í Þjóðskrá og breytti um lögheimili.
• Prentaði út nafnið mitt og límdi á bjölluna mína.
• Eldaði mér mína fyrstu máltið og lagaði mér minn fyrsta kaffibolla á nýja heimilinu (og fattaði aðeins of seint að ég átti hvorki dósaopnara né uppþvottalög/-bursta. Fór í 10-11 og greip fyrsta dósaopnarann sem ég sá, og fattaði fyrst eftir að ég var búinn að borga allt draslið að hann kostaði 1300 kall, 350 krónum meira en steikarpannan sem ég keypti í Ikea fyrr um daginn. Sheesh!)

Dagurinn í dag verður sennilega ekki eins viðburðarríkur.

Aaa hvað það er gott að vera kominn með almennilegt heimili!

Nýja heimilisfangið mitt er Baldursgata 13, 101 Reykjavík

Svaf mína fyrstu nótt þar í gær, þökk sé Hannesi snillingi sem tók sig til og gaf mér rúm og seldi mér ísskáp og hjálpaði mér að bera draslið inn líka.

Næst á dagskrá er að redda sér þvottavél, fá tengt internet (og ákveða í leiðinni við hvern maður á að versla), taka allt úr kössum (er farinn að tæta úr þeim drasl af handahófi og dreifa í kringum mig. Sem betur fer er ég líka farinn að grípa stöku bók og geisladísk og raða í hillur) og redda sér sófa.

Það er hreint út sagt frábært tilfinning að vera loksins kominn í mína eigin íbúð, á góðum stað og með allt dótið mitt.